Staubwolgge


Home


Värs







Värs vo dr Fasnacht 2008

My Sohn het duss die Spinne gfunde,
jetzt pfläggd är si im Käller unde.
Si het my Frau in Finger bisse
die het fascht in in d’Hose …gmacht.
Die liebi Spinne mit acht Bai,
jetzt woon ych mit mym Sohn elai.
 

In dr BAZ do stoot e Bricht,
und d’BZ macht do druss e Gschicht.
E Rohrbruch an dr Hochbärgstross,
fluetet d BAZ, s’isch ebbis los.
Im Grössewahn mir dien’s vermuete,
losst d’BZ ganz Laufe fluete.
 


Fuudiblutt und ungeniert
wird Sado-Maso praktiziert.
Im Stadt-Theater seesch das puur
dert nennt me’s neyerdings Kultur,
So Zyg macht mi verdeggel muff,
das isch jo dyyrer als im Puff.

E Blocher Färs:  "Bumm"      Das wärs!





Im Winter fimfezwanzig Grad,
Sunneschyyn im Gartebad.
Haize muess me nim dehai,
das alles wägem CO₂.
Mir dangge eych firs Autofaare,
so dien mir Heizkeschte spaare.



Willsch du dir , so wie die Maischte,
alli drey Blagedde laischte.
Muesch di Pulver zämmeraffe
und z’Oobe au no schwarz go schaffe.
Wettsch s’Bijou no, denn isch’s sowyt,
denn bruuchsch bigoscht e Glaikredit.



D’Schneidere, die goot jetz gly
Si mecht so gärn e Huusfrau sy.
Au dr Lewin will nimm dra,
will är fir sich me Zyt muess haa.
So ka’n är denn bi Tee und Kueche,
alli Asylante bsueche



My Frau im Näscht die pennt bald yy,
do schaltet sy iir Spiilzyg yy.
Das kaibe Ding vibriert nimm rächt,
so China Spiilzyg isch halt schlächt.
Ass ych daas furt wirf, duet si schluuche,
doch d’Batterie kasch no bruuche.

Hinter dr Kirche stoot e Pfaarer umme, hebt e Biebli an dr Hand.
Hinter dr Kirche stoot e Pfaarer umme und hebt d’Hand.
Stoot dr Pfaarer umme, hebt im Biebli d’Hand,
lüpft’s em Pfaarer s’Gwändli wie vo Gaischterhand.
Hinter dr Kirche stoot e Pfaarer umme und hebt d’Hand.



Grippe, Reuma, Bloosewee,
Gicht und Diskusherniee.
Am Hirni no e Operation,
Steerig bi dr Erregzion.
S’isch nit vom Wasser im Hardwald,
in unserem Alter hesch das halt.



Zerscht paggsch en uss und luegsch en aa,
ziehsch an dr Hutt und schmeggsch denn dra.
Mit Hutt und Hoor e Klepfer ässe,
kaasch wäg em Plastigg glatt vergässe.
Dr Minu schloot sofort  Alarm;
e rächti Wurscht die gheert in Darm.



I haiss Martina Hinggis, schnupf mänggmol Kokain,
d’Schuppe vo mym Frind und wenn y nyt ha halt Strychnin.
Y bi so hool, y bi so hool - und fyyl mi wool.
Ungschminggt het’s mi friener schampar gschuuderet,
doch hyt bi’n ych e staile Zaan, wo s’Nääsli puuderet.
Y bi so hool, y bi so hool – und fyyl mi wool.
E Wöschmaschine han y in dr Kuchi stoo,
s’Wöschpulver zieh y yyne, denn y ka’s aifach nit loo.
Y bi so hool, y bi so hool - und fyyl mi wool.