Staubwolgge


Home


Värs


Värs vo dr Fasnacht 2015

 Dr Wessels isch e liebe Maa.
lueg emol sy lächle aa.
Äär git sich Mieh vo frieh bis Spoot,
wais sälber nit, woo s duure goot.
Mit neuem Hyyftglängg duet äär bätte
dass äär ändligg zrugg kaa drätte.


D Conchita Wurscht s isch ebis draa,
trotz Bart erreggt ääs mängge Maa.
D Merkel het e grosse Fruscht,
denn bi iire griegt kain Luscht.
Und wenn si sich in Strapse zwängt,
frog nit worum dr Euro hängt.


Flaisch vo Oggse oder Fisch
und Poulet, Lamm kunnt uff e Tisch.
Ich biss ins Filet vo dr Sau,
und ins Fuudi, vo dr Frau.
Und au bi Carna Grischa waisch,
das isch bü-bü bü bü bü Bündnerflaisch.


E Lyychtturm im Dreyländeregg,
e Furz wie unseri Bebbisegg.
Zum Schiffli vor em Haafe mahne,
stellt me sone Phallus aane.
Doch Basel spaart au Energie
als Lyychte kunnt dr Morin dryy.


Mit unsrem Schwiizer Frangge frait sich Frau und Maa,
kasch dr Euro jetzte au am Wyeltisch haa.
In Dyytschland gynschtig kaufe,
kaschs Tram näh, muesch nym  laufe,
aber uff das Trämli, do wartisch nämmli.


Dr Sousa duet de junge Manne,
e BH um e Ranze spanne.
Dä BH speichert alli Sache,
wenn si schloffe und verwache.
Und wenn si iiri Trikot lüpfe,
kunnt sofort dr Minu z hüpfe.


Beautykur und Friise style,
Fett am Ranze umverdaille.
Schnäggli straffe, Botox Spritze,
Fudi lifte, Zitze spitze.
Dausigi Frangge zahlsch do draa,
fir zwanzig kasch e Burka haa.


Eb Chrischte Jehovas Zeuggeli
Mormone und anderi Leuggeli.
Au Moslem, Jude und Buddischte,
jede macht e gump in d Kischte.
Über Religion isch gnueg  das wärs,
drumm gits kai Schawinski Värs.


Denn bisch in Basel dehai
In Schublaade basst e Bebbi ebbe nit,
drum isch das Fasnachtsujet au dr Hit.
Uns goht die Fasnacht au durch Mark und Bai,
denn mir sind z‘Basel dehai.
S goht jede Tag in Basel sehr viel ab
und zwyyscheduure mache d Schugger schlap.
S passiert halt, was nit sott, so allerlai.
Denn mir sind z‘Basel dehai.
Wird’s schwierig sait d Regierig aifach joo,
verschwyyge Fähler, nit derhinter stoo.
An Demos schloot me alles kurz und klai.
Denn mir sind z‘Basel dehai.
Die Fremde mache aifach was si wänn,
well mir iine trotzdäm alles gänn.
Wenns euch nit basst, no göhnt doch aifach hai.
Denn mir sind z‘Basel dehai.
Wär sich do aabasst oder integriert,
dää wird au uffgnoo und au akzeptiert.
s göhn gschlossni Türe uff, bisch nim elai.
Denn mir sind z‘Basel dehai.
Mir hän dr FCB und au s Schieffe Egg,
Kultur, dr Ryy, Maitli scheen und kegg.
D Fasnacht und e Sprooch wo nit verlaidet,
wo uns vo Ziri unterschaidet.