Staubwolgge


Home


Värs


Värs vo dr Fasnacht 2022

 

Mir hän, mir hän Fasnacht
mir hän, mir hän Fasnacht
Mir sin Basler Bebbi, z Basel an mim Rhy,
doo sin unsri Wurzle und s Häärz wott au doo syy.
Zwei Joor kai Fasnacht, das kaa kain verstoo,
wieeso hän mir dää Virus, nit d Schissi aabegloo.
Mir hän, mir hän Fasnacht
mir hän, mir hän Fasnacht
Mir hän scheeni Maitli und au s schiefe Egg,
 vieli gaili Sieche und unsri Bebbi-Segg.
 Mir sin Kultur, e Sprooch wo nie verlaiidet,
 das isch dr Punkt, wo vo Ziiri unterschaiidet.
Mir hän, mir hän Fasnaaaaaacht

 Dr Insle Boris uss dr Gosse,
het Corona-Partys gnosse.
Halb tot duet äär denn ummeschlyyche,
mainsch äär sig e Corona Lyyche.
Hät dr Berset soone Hoorpracht aa,
no häätte mir letscht Joor Fasnacht ghaa.

Mit däm Drämmli vo dr BVB,
wo unser Roger druff kasch gsee.
Derfsch gränzelos uff Weil go ryyte
und Yyykäuf d Saint Louis bestritte.
Das Drämmli könnt, es isch e klaare,
sicher uff Australie faare.

Zum Verhiete bisch nit Dumm,
machsch allewyl e Gummi drumm.
In d Schiene leggt me Gummi yy.
no faare d Velo nymme dryy.
Würdsch d Gummi uss de Schiene nää,
dääts weniger Velofaarer gää.

Glyychstellig isch sehr aggtuell,
zwüsche Frau und Weissnit sexuell.
E Damevelo muess uffs Schild
und oohni Ständer uff em Bild.
Doch am Ändi dien die Gritte,
yyber d Köörbligröösi stritte.

Lesbe, Schwuuli jä ohni Faggse,
könne jetzte s «Joo Wort» gaggse.
Dr Schampe fyylt sich als Radyysli,
hyrotet au sy Gurke Myysli.
Als Katholisch Pfaarer liggts nit drinn,
well d Partner nonig mündig sinn.

Drey Daag lang bin ich nit vergniegt,
ich han en gar nüm uffe griegt.
Mir ischs letschti au passiert,
my Frau het sich den angaschiert.
Das Problem het schyyns e mängge Maa,
mit em Arm grad nach dr Impfig ghaa.


Uss China isch e Virus koo und het nüm welle goo,
glücklich sin mir trotzdäm gsi, s isch nit vo Ziiri koo.
Z Lieschtel kemme d Triichleschwinger, d Aluhiet im Marsch,
dr Ängelbärger macht denn dicht, ooh läck mir doch am Arsch.
Sit ich mini Impfig ha, isch mini Frau sehr froo,
ich wais jetzt wäg däm Microchip, wenn ich Haim muess goo.
Wo denn an dr Tramstation noo stundelang veharrsch,
wäg dr Demo s Tram nit kunnt, ooh läck mir doch am Arsch.
Bim FCB kasch wäg däm Virus, Gaischter spiele gsee,
fir d Kirche isch das nit so neu, mir saage nur ojee.
Im Zolli sait e Aff im Pelz, wo s Urne-Nai erfahrsch
Schatz s git kai Intimrasur, o läck mir doch am Arsch.
Dr Zwängelbärger liebt sii Macht und isch nit sehr vergniegt
zieh doch ändligg d Masgge ab, dass s Hirni Suurstoff griegt.
Doch jetzte stinggts im Berset sehr «ohh legge mich am Aarsch»
«jetzt isst fini, habe fertig, Fasenacht vorwärts Marsch.»